Steindarrak Lilipen kalearen amaierako etxera etorri berriak zirenez, lehen aldia zuen Frannyk auzoko eskolan. Irakaslea, Shelly andereñoa, hasiera-hasieratik gustatu zitzaion. Ikaskideak ere gustatuko zitzaizkiola pentsatu zuen, baina ez zirudien bere lagun izateko gogo handiegirik zutenik.

Beste haurrak ez ziren gaiztoak, baina sekula ez zuten Franny bezalako inor ezagutu.

Franny K. Stein zientziazale amorratua da, eta gauza beldurgarriak eta izugarriak atsegin ditu. Eskola berrian lagunak egiteko arazoak dituenez, esperimentu bat bururatu zaio beste haurren gogoko izateko... eta dena ongi doala dirudi, harik eta zakarrontzitik munstro bat atera den arte!